Johnnie 大笑事務所

當感情幼滑得有如細水長流， 今日的我不再傷春悲秋。 回看我的 blog 漸漸少寫詩詞歌賦， 反而每日搞爛gag。 歸根究底， 都係工作太過繁忙， 需要笑一笑來釋放~

有研究顯示，大笑１分鐘就相等於做九個字運動，可以令人容光煥發。事實上，大笑時身體會有８０組肌肉抽動，膊頭會震、胸膛會郁、橫隔膜會chok，總之會令人抽搐、血壓上升、血液含氧量增加，而更重要的是腦部會釋放出一種化學物質，令人感到心曠神怡。大笑過後，血壓會回降、減少分泌令人緊張的荷爾蒙，免疫系統亦會增強，直頭係最佳的天然藥物，能醫百病！

細路仔平均每日會展露笑容大約四百次，而大人則平均每日齋笑十五次。你上次笑果陣又係幾時？

笑(Smile)我地可以叫佢做維生素S，或者叫維他命Ｌ(Laughing)。簡單一隻維他命Ｌ，好似一支Olay 咁，一次對付七大歲月問題：

一）增強心肺功能：笑可以伸展胸肌、擴張胸廓、增加肺活量，像做深呼吸體操一樣。笑同時會心跳加速、促進血液循環，加強心肌與血管的運動及血輸出量，加強心臟機能兼穩定血壓。

二）幫助消化：笑時腹肌會加強舒放、收縮，如此可以加強胃、腸的蠕動，刺激胃液分泌，讓肝膽產生更多的消化液，幫助消化仲有效消除肚腩。

三）促進新陳代謝：笑聲會震動橫膈膜，活絡腹腔的所有器官，並加速血液的循環，連帶使充足的氧氣隨著流暢的血液，行遍全身的細胞。

四）減壓：唔洗解釋啦呢個

五）美容：笑會使人臉部肌肉緊緻、潮熱、發汗，不但有助毛細孔的清潔，也會讓臉部呈現紅潤、光澤的氣色。靚過所謂既Make up 多多聲。

六）World without stranger：笑係人類共同語言，所謂出拳不打笑面人，常歡笑自然朋友多過敵人。

七）開心：第七點係笑最重要既一點，就係笑即係開心！唔係叫你係又笑唔係又笑，若果你不由自主咁掛住一張笑臉既話，一係就弱智，一係就面抽筋。應笑得笑，唔應笑就咪鬼笑。講到咁Ｑ複雜，會唔會笑唔出？

所以呢，若果Johnnie 他朝有日真係開得成Johnnie 事務所既話，一定係叫做Johnnie 大笑事務所。Print 呢條link 嚟幫趁，收你八折。