上班拾趣 -- 下

今晚總算擠到時間拾趣了...

陸趣(心虛時代):
小弟自問乜都可以笑一餐, 但道高一尺魔高一丈, 當年我初到屯門心虛分行做櫃位, 就試過俾個客搞到真係唔係好嬲定好笑, 諗番都覺得好好笑...

我: (九十度角舉起右手呈歡迎狀)下一位請嚟呢邊丫~

客: (個師奶笑笑口咁行埋嚟)噫? 靚仔好少見喎, 新嚟架?

我: 係呀! 好似我咁靚仔又的確係少見D gei, 有咩可以幫你呢?

客: (遞上港幣簿仔)我攞十萬九千七丫.

我: 哦? (望吓簿仔睇吓佢姓乜)陳小姐做咩拎咁多錢既? 要嚟墊高個枕頭呀?

客: 唔係, 見你新嚟俾你練吓數錢嘛~

我: 無錯我的而且確係玉樹臨風, 但陳小姐你唔需要專登俾我數多D 錢嚟見多我幾面丫!

客: 衰仔包師奶你都撩? 但我唔攞多D 錢, 新年點俾多D 利是你呀?

我: 嘩! 多謝定陳小姐先! 但每封利是唔可以多過五百蚊, 咪我唔收得架! 等我俾多幾盒利是封你先!!

客: 我要卓卓理財果隻!

我: 陳小姐真識貨! 等我入去攞, 仲有提款超過五萬要"經理"簽名, 要等耐少少呀.

客: 梗係要"經我"簽名啦! 快D 俾我簽啦!!

我: 唔係呀! 除左你簽仲要我地分行個經理簽呀, 佢食緊飯要耐少少呀!

客: 為免佢食飯哽親, 我今次拎五萬算啦咁...

我: (面上泛起勝利的笑容, 繼續辦理提款手續)五萬要咩紙呀?

客: (收起笑容, 好認真咁思考左一陣)港紙丫~

我: 唔好玩啦陳小姐! 我意思係你想要五百蚊紙定一千蚊紙唷~

客: 唓! 咁我真係有澳洲紙嘛, 實要攞港紙咩家陣?

我: (開始feel 到對手既厲害)但你呢本係港元存摺喎?

客: 哈又係喎! 我要一百蚊紙啦咁~

我: @#$%^&*()(*&^%$#$... (註: 五萬蚊要五百張一百蚊紙, 數到趴街><)

唔記得之後既對話大概係點, 咁過年佢實情派左幾多利是呢? 對唔住, 呢位陳小姐過年總會去左旅行, 年初十五之後先出現, 派利是無佢份是也!

柒趣(繼續心虛)

相信人人都知道櫃員既枱底都有兩個鐘: 响鐘同警鐘. 响鐘係叫排隊頭既客人埋嚟我個位, 警鐘係叫警察關心吓我地有無俾人打劫.

初到分行既時候, 副經理叫我摸熟D 工作環境先, 睇吓有無咩壞左要換, 可以就接吓客. 我悶悶地想接客, 咪伸手响枱底摸摸吓, 一摸到個鐘就狠狠地按下去!

唔洗問, 我禁左警鐘!

弊在我唔知自己禁左警鐘, 見個客行左埋嚟我就無理到個鐘. 有經驗既同事都知道警鐘手感好唔同, 按下去不會彈番出來.

唔洗幾耐, 差館應該打過嚟, 但我地忙到九彩無人聽, 於是對面金鋪既警隊衝鋒車就掟個靚彎過嚟, 幾位靚仔軍裝慢條斯理咁行入嚟, 有個年紀大D 既直接走嚟同我講: "新同事? 你係咪禁錯警鐘呀? 搵人熄番佢丫唔該~"

副經理唔知幾時出現, 兇狠咁問我: "阿Johnnie 哥! 做乜禁警鐘呀你?!"

我好溫柔咁答: "我响度摸熟緊D 工作環境, 岩岩證實左我地個警鐘係work 架, 應該唔洗換~"

副經理: "$%^&*(*&^%$%^&*"

捌趣 (任何時代)

無論任何時代, 為左增加工作效率, 都會將某D terms 濃縮, 講起上嚟特別好笑...

我: 經理, 呢件色魔要自瀆, 你快D 幫佢啦?!
女客戶經理: 等我色誘吓佢先啦, 佢咁多錢吓吓自瀆唔洗搵我咪弊?!
(註: 色魔=常常要求加高存款利息之人, 自瀆=定期自動續期, 色誘唔洗問, 即係加息俾佢)

我: 經理, 有個嫖客早熟, 搵邊個經手好呀?
經理: 搵窿屎啦...
(註: 嫖客=PIL 客, PIL for Personal Installment Loans; 早熟=提早還款/提早贖樓)

無論任何時代, 都會有講野太快而講錯既時候...

我: 天神兄, 發圍喇喎! 簽左呢單夠你遊手好閒多半年~
天神: 哈! 老虎不發貓，你當我病危呀?!
我: (O 咀...)

有時趕住搭車會講錯野...

我跟三位女同事要趕往總行開捽數大會, 我坐車頭, 唔記得戴安全帶, 後座唔記得邊位女同事提我: Johnnie, 你做咩唔戴安全套呀?

玖趣 (純粹虛構)

以下內容純綷以詑傳詑, 完全虛構, 請一笑置之~

話說有一天，一個老太太帶著一大袋的錢到XX銀行去，她表示要開最尊貴的私人銀行戶口！銀行小職員領著老太太到私人銀行客戶經理的會客室去。

經理告訴她私人銀行入場費要一百萬美元，老太太就把那袋錢倒在經理的桌上，全部美金，數之不盡。經理當然要ＫＹＣ／ＣＤＤ，了解清楚這麼大筆現金的來源。

他問老太太：女士，我很驚訝妳帶著那麼多的現金，這些錢是怎麼來的？

老太太：我跟人打賭贏來的。

經理：打賭？怎麼個賭法？

老太太：舉個例子好了，我賭US$25,000說你的"蛋蛋"是方的。

哈！經理大笑說：那真的是個愚蠢的賭注，這種賭注妳永遠都贏不了。

老太太就跟他挑戰說：那你敢跟我賭嗎？經理就說：沒問題，我賭US$25,000說我的"蛋蛋"不是方的。

老太太說：既然這是一筆大賭注，明天早上十點我可以帶我的律師當見證人嗎？

經理當然是很有自信的說沒問題。當天晚上，經理花了很長的時間在鏡子前面檢查自己的"蛋蛋"，左照右照，直到他確定絕對不可能變成方型而且他絕對可以贏得賭注為止。

第二天早上十點，老太太和她的律師依約到達銀行經理的會客室，老太太介紹她的律師跟經理認識並且覆述他們的賭注。

US$25,000賭經理的"蛋蛋"是方的，經理再次同意賭注之後，老太太就要求經理把褲子脫下來。

經理照做了，老太太靠近一直盯著看並問說可不可以摸摸看。

經理有點勉為其難，但是他還是答應了說：好吧！US$25,000是一大筆錢，妳當然會想完全的確認。

就在老太太在摸經理的"蛋蛋"的時候，經理看到老太太的律師正在一旁不停的鎚胸頓足，他就問老太太說：妳那個律師怎麼啦？

老太太說：沒什麼，只是我跟他賭了US100,000說在今天早上大約十點的時候，XX的私人銀行客戶經理會讓我摸著玩他的"蛋蛋"。

拾趣 (最後一趣)

作為上班拾趣最後一趣, 當然要最具代表性兼最有經濟效益的! 筆者精挑細選了數年來公認精彩的上班趣事來分享~ 本站的忠實讀者看後不要喝倒彩, 為了讓本站能經偉大的 facebook 得到點連, 筆者的鋪排您應該會讚好^^ 另外, 我宣佈合併本站既"爛gag 大全" 和"瘀野事件", 因為我已經分唔清自己寫緊邊樣打邊樣喇...

點擊以下連結, 值得您一看再看的趣事:
http://johnnie-wong.blogspot.com/2008/11/blog-post_10.html